 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ці то сон, ці то новы сполах
Вершаваньня ў чарговым опусе.
Дзьве гадзіны сяджу на колах —
Паўдарогі да Вільні ў аўтобусе.
У мазгох — касьмічныя войны,
У вачох — усё перакулена:
І касьцёлу сьпічак падвойны,
І царквы малая цыбуліна.
На шляху — памежнік і мытнік,
Спадарожнікі — мат на маце;
Ты і сам нішто сабе «бітнік»
З каньяком у кішэнным фармаце.
Твая ўдача хадзіла ў прымах,
А цяпер — апусьцілі ў кіпень.
А калісьці ў лагодных рымах
Ты пісаў пра сьвяты і ліпень.
І нібыта — в полном порядке,
Абмінуў падводныя міны…
Толькі згадкі, халера, згадкі,
Успаміны, блін, успаміны…
30 верасьня — 6 кастрычніка 2004, Менск—Вільня—Дру
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
